BMG-niň wekilhanasynda geçirilen täsirli seminar
2024-nji ýylyň 7-nji iýunynda Halkara Migrasiýa Guramasynyň Türkmenistandaky wekilhanasynyň guramagynda BMG-niň Aşgabatdaky edara binasynda migrasiýany dolandyrmak babatda gender çemeleşmesi we ulgamlaýyn integrasiýa, adam söwdasynyň pidalaryna durmuş hyzmatlaryny bermek, adam söwdasynda milli ugrukdyryjy mehanizmi we bilelikdäki hereketler hem-de döwrebap bilim migrasiýa boýunça seminar geçirildi. Bu seminaryň çäginde degişli milli hyzmatdaşlaryň häzirki zaman dünýäsinde bilim migrasiýasynyň orny we onuň ýurduň sosial-ykdysady ýagdaýyna täsiri baradaky mümkinçiliklerini artdyrmak baradaky meselelere garaldy. Seminara Türkmenistanyň Zähmet we ilaty durmuş taýdan goramak ministrliginiň wekilleri, Türkmenistanyň Döwlet migrasiýa gullugynyň wekilleri, Türkmenistanyň Magtymguly adyndaky Ýaşlar guramasynyň wekilleri, Türkmenistanyň Zenanlar birleşiginiň Merkezi geňeşiniň wekilleri, Magtymguly adyndaky Türkmen döwlet uniwersitetiniň, Halkara ynsanperwer ylymlary we ösüş uniwersitetiniň, Türkmenistanyň Telekommunikasiýalar we informatika institutynyň hem-de institutymyzyň talyp ýaşlary we mugallymlary gatnaşdy. Bu seminary Halkara Migrasiýa Guramasynyň maslahatçysy Irina Urumuwa alyp bardy.
Seminaryň maksady ýokarda agzalan ugurlarda milli hünärmenleriň we talyplaryň tejribesini artdyrmakdan hem-de özara pikir alyşmakdan ybarat boldy.
Seminaryň dowamynda täsirli çykyşlar edildi we talyplaryň arasynda dürli görnüşli ýaryşlar geçirildi.
Geçirilen seminar hünärmenlerde we talyplarda uly täsir galdyrdy.
Begenç MYRATGELDIÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň I ýyl talyby.