BIRLEŞEN MILLETLER GURAMASYNYŇ ÇAGALAR GAZNASYNYŇ (UNICEF) TÜRKMENISTANDAKY WEKILHANASYNDA SEMINAR GEÇIRILDI
2025-nji ýylyň 30-31-nji ýanwarynda Birleşen Milletler Guramasynyň Çagalar Gaznasynyň (UNICEF) Türkmenistandaky wekilhanasynda çagalar babatda strategik meýilleşdiriş, çagalaryň hukuklaryny goramak babatda döwlet dolandyryşy kämilleşdirmek, maglumatlary seljermek we halkara tejribesi bilen tanyşdyrmak boýunça seminar geçirildi.
Bu seminara Türkmenistanyň Döwlet, hukuk we demokratiýa institutynyň, Türkmenistanyň Prezidentiniň ýanyndaky Döwlet gullugy akademiýasynyň, Halkara ynsanperwer ylymlary we ösüş uniwersitetiniň, Türkmen döwlet ykdysadyýet we dolandyryş institutynyň, Türkmenistanyň Içeri işler ministrliginiň institutynyň hem-de Türkmenistanyň Daşary işler ministrliginiň Halkara gatnaşyklary institutynyň wekilleri gatnaşdylar.
Seminaryň dowamynda oňa gatnaşyjylar çaganyň hukuklary boýunça takyk maglumatlary işlemek, baha bermek we monitoringi guramagyň esaslaryny seljermek barada özara pikir alyşdylar.
Merjen GURBANNAZAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy we deňeşdirme hukuk öwreniş
kafedrasynyň uly mugallymy.