“AGROSENAGAT DIZAÝN” BÄSLEŞIGI GEÇIRILDI
2023-nji ýylyň 11-nji noýabrynda Senagatçylar we telekeçiler partiýasynyň Aşgabat şäherindäki Mejlisler merkezinde “Agrosenagat dizaýn” bäsleşiginiň jemleri jemlendi. Bäsleşik Türkmenistanyň Magtymguly adyndaky Ýaşlar guramasynyň Aşgabat şäher Geňeşi, Türkmenistanyň Senagatçylar we telekeçiler partiýasynyň Aşgabat şäher komiteti, Türkmenistanyň Agrar partiýasynyň Aşgabat şäher komiteti bilen bilelikde guramagynda geçirildi.
Bäsleşik II (tanyşlyk, tehniki) tapgyrdan ybarat bolup, bäsleşigiň I tapgyryna jemi 70 adam gatnaşdy. Bäsleşige gatnaşyjylar “Ýigit” hojalyk jemgyýetiniň önümleriniň logosyny ýasamak boýunça ýaryşdylar. Şeýlelikde bäsleşigiň II tapgyryna 40 adam gatnaşmaga hukuk gazanyp, olaryň 26-sy baýrakly orunlara mynasyp boldular. Bäsleşigiň ýeňijilerine degişli diplomlar we ýadygärlik sowgatlar gowşuryldy.
Bu “Agrosenagat dizaýn” bäsleşigineTürkmenistanyň Daşary işler ministrliginiň Halkara gatnaşyklary institutynyň talyby Uzukjemal Annamyradowa hem işjeň gatnaşyp, baýrakly orna mynasyp boldy. Biz hem öz gezegimizde talyp ýoldaşymyzy ýeňiji bolmagy bilen gutlap, geljekde hem oňa döredijilik äleminde uly üstünlikleriň ýaran bolmagyny arzuw edýäris.
Mähri BAÝRAMOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň talyby.