Adam hukuklary boýunça Ählumumy Jarnamasynyň 75 ýyllygy we Wena Jarnamasynyň 30 ýyllygyna bagyşlanan bäsleşik
2023-nji ýylyň 24-nji oktýabrynda Birleşen Milletler Guramasynyň Ösüş Maksatnamasynyň (UNDP) Türkmenistandaky wekilhanasynyň hem-de Türkmenistanyň Döwlet, hukuk we demokratiýa institutynyň bilelikde guramagynda Adam hukuklary boýunça Ählumumy Jarnamasynyň 75 ýyllygy we Wena Jarnamasynyň 30 ýyllygy mynasybetli BMG-niň Aşgabat şäherindäki binasynda bäsleşik geçirildi.
Bäsleşige Türkmenistanyň Daşary işler ministrliginiň Halkara gatnaşyklary institutynyň, Magtymguly adyndaky Türkmen döwlet uniwersitetiniň, Döwletmämmet Azady adyndaky Türkmen milli dünýä dilleri institutynyň, Halkara Ynsanperwer ylymlary we ösüş uniwersitetiniň, Türkmenistanyň Içeri işler ministrliginiň institutynyň talyplar topary gatnaşdylar.
Bäsleşigiň dowamynda toparlar ýurdumyzda adam hukuklaryny goramagyň, höweslendirmegiň we durmuşa geçirmegiň milli ulgamyny we halkara gatnaşyklaryndaky ulgamyny pugtalandyrmak, adam hukuklary çygryndaky kanunçylygy we halkara konwensiýalary amala aşyrmak we durmuşa geçirmek boýunça alnyp barylýan işleri halkara borçnamalaryna laýyk getirmek ýoly bilen, Türkmenistanyň adam hukuklary boýunça 2021-2025-nji ýyllar üçin Hereketleriň milli meýilnamasynyň durmuşa geçirilmegi dogrusynda özleriniň hasabatlary bilen çykyş etdiler.
Emin agzalarynyň gelen netijeleri boýunça 1-nji orna Türkmenistanyň Daşary işler ministrliginiň Halkara gatnaşyklary institutynyň halkara hukugy fakultetinden düzülen talyplar topary mynasyp boldy.
Bäsleşigiň jemleri boýunça üstünlikli çykyş eden talyplar toparyna Diplomlar we ýadygärlik sowgatlary gowşuryldy.
Laçyn BEKMYRADOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň II ýyl talyby.