YLYMLY ÝAŞLAR - KÄMILLIGIŇ ÝOLUNDA
Berkarar döwletiň täze eýýamynyň Galkynyşy döwründe hormatly Prezidentimiziň parasatly ýolbaşçylygynda «Halkyň Arkadagly zamanasy» ýylynyň her bir güni şanly wakalara beslenýär. Şu gün biziň ýokary okuw mekdebimiz bolan Türkmenistanyň Daşary işler ministrliginiň Halkara gatnaşyklary institutynda hem Bilimler we talyp ýaşlar güni dabaraly ýagdaýda bellenildi. Maňa hem Türkmenistanyň Daşary işler ministrliginiň Halkara gatnaşyklary institutynyň uçrumy bolmak bilen institutymyzyň magistr maksatnamasy boýunça taýýarlygyň Halkara jemagat hukugy ugry boýunça magistr bolmak bagty miýesser etdi. Magistr maksatnamasynyň Halkara jemagat hukugy ugruny saýlap almagym meniň halkara hukukçy hünärimi has hem kämilleşdirmäge uly goşant goşjakdygyna ynanýaryn.
Bu babatda men hem magistirlik ylmy işimi Halkara ynsanperwerlik hukugynda Bitaraplyk instituty bilen baglanşykly ýazmagy meýilleşdirýärin. Halkara parahatçylygyny we howpsuzlygyny üpjün etmegiň, berkitmegiň we gorap saklamagyň serişdeleriniň biri bolup bitaraplyk hyzmat edýär. Şonuň üçin Bitaraplyk instituty halkara hukugynda uly orny eýeleýär we onuň kämilleşmegini seljermek örän wajyp bolup durýar.
Biz ýaşlara okamaga, döretmäge uly mümkinçilikleri döredip berýän Gahryman Arkadagymyza, hormatly Prezidentimize sagbolsun aýdýarys, Gahryman Arkadagymyzyň, hormatly Prezidentimiziň jany sag, ömri uzak bolsun, tutýan tutumly işleri mundan beýläk hem rowaçlyklara beslensin.
Töfe HOŞANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara jemagat hukugy ugrunyň magistranty