Yhlas myrada gowşanda
Berkarar döwletiň täze eýýamynyň Galkynyşy döwründe hormatly Prezidentimiziň parasatly ýolbaşçylygynda ýurdumyzda ýaş nesillere ähli ugurlar boýunça bilim almaga, saýlap alan hünärleri boýunça zähmet çekmäge giň mümkinçilikler döredilýär. Şeýle ugurlaryň hatarynda ýurdumyzda döredijilik bilen meşgullanýan ýaşlara hem uly üns berilýär. Bize peşgeş berlen bagtyýar döwri, eziz Watanymyzyň ösüşlerini wasp etmek, wagyz etmek köpçülikleýin habar beriş serişdeleriniň esasy wezipesi bolup durýar. Orta mekdepde okaýan mahallarym, žurnalist bolmak arzuwym meni «Miras» teleradioýaýlymynyň gapysyna alyp geldi. Ol ýerde toplan zähmet tejribäm we öz hünärim boýunça kämilleşmek islegi bolsa bu ýyl meni — «Halkyň Arkadagly zamanasy» ýylynda Türkmenistanyň Daşary işler ministrliginiň Halkara gatnaşyklary institutynyň Halkara žurnalistikasy fakultetiniň talyby bolmak bagtyna miýesser etdi. Şeýle bagtyýar döwrüň bagtly talyby bolmak meni diýseň buýsandyrýar.
Gahryman Arkadagymyz: «Watanymyzyň röwşen geljegi üçin okamak, öwrenmek, zähmet çekmek bagtyýar ýaşlarymyzyň öňlerinde goýan baş maksadyna öwrülmelidir» diýip belleýär. Gahryman Arkadagymyzyň öwüt-nesihatlaryna eýerip, bu hünäriň inçe syrlaryny ele almak üçin yhlas bilen okarys, öwreneris.
Bize bagtyýar döwürde okamaga, öwrenmäge şeýle mümkinçilikleri döredip berýän Gahryman Arkadagymyzyň, Arkadagly Serdarymyzyň janlary sag, belent başlary aman bolsun!
Ogulmiwe JUMADURDYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistika fakultetiniň I ýyl talyby.