Ýaş diplomatlar mekdebiniň agzalary taryhy ýerlerde gezelençde boldylar
Türkmenistanyň Prezidentiniň ýörite Karary bilen döredilen Ýaş diplomatlar mekdebiniň agzalarynyň taryhy we medeni dynç alyş ýerlerine gezelençleri yzygiderli gurnalýar. Soňky döwürde bu mekdebiň agzalary Balkan welaýatynyň taryhy ýerlerine, Lebap welaýatynyň merkezi kitaphanasyna, Mary, Daşoguz, Ahal welaýatyndaky ýadygärlikler toplumlarynda gezelençde boldular.
Gezelençleriň barşynda Aşgabat şäheriniň we welaýatlaryň baş bilim müdirlikleriniň hünärmenleri, degişli muzeýleriň bilermenleri okuwçylara taryhy ýadygärlikleriň gelip çykyşy, olaryň türkmen taryhynda we diplomatiýasyndaky eýelän orny barada gyzykly gürrüňleri berdiler.
Gurnalan gezelençler Ýaş diplomatlaryň mekdebiniň agzalarynyň bilimlerini we ukyp-başarnyklarynyň kämilleşmegine we olaryň geljekki hünärine gyzyklanmasynyň artmagyna giň mümkinçilikleri berdi.
Gezelenje gatnaşan okuwçylar taryhy ýadygärlikler bilen içgin tanyşmaga döredip berýän giň mümkinçilikleri üçin hormatly Prezidentimize tüýs ýürekden çykýan hoşallyklaryny bildirdiler.
Şamyrat AŞYRMYRADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň
I ýyl talyby.