TÜRKMENISTANYŇ DIPLOMATIÝASYNYŇ MÖHÜM UGURLARY BOÝUNÇA INTERNET OLIMPIADASYNYŇ NETIJELERI
“Arkadag Serdarly bagtyýar ýaşlar ýylynda” ýaşlaryň hemmetaraplaýyn şahsyýet hökmünde kemala gelmek üçin Hormatly Prezidentimiz, türkmen halkynyň milli Lideri, Gahryman Arkadagymyz tarapyndan tagallalar edilýär. Ösüp gelýän ýaş nesliň edepli-ekramly, bilimden ýüki ýetik, watansöýüji, beden hem ruhy taýdan sagdyn ýaşlaryň bolmagy ýagty geljegimiziň mizemez girewi bolup durýar. Bu babatda Türkmenistanyň Bilim ministrliginiň 2023-nji ýylyň 14-nji fewralynda kabul eden “Zehinli ýaşlary ýüze çykarmak we olara jemgyýetde öz mynasyp ornuny tapmagy üçin şertleri döretmek” hakynda 49 belgili buýrugyna laýyklykda Berkarar döwletiň täze eýýamynyň Galkynyşy döwrüniň «Arkadag Serdarly bagtyýar ýaşlar ýylynda» Hormatly Prezidentimiziň ýaşlar baradaky döwlet syýasatyny üstünlikli durmuşa geçirmekde bilim edaralarynyň hem-de döwlet edaralarynyň we guramalarynyň özara hyzmatdaşlyk etmegini üpjün etmek, şeýle hem Hormatly Prezidentiniň giň gerimli özgertmeleriniň esasy strategik güýji hökmünde zehinli ýaşlaryň ýurdumyzyň mundan beýläk-de gülläp ösmegine gönükdirilen taslamalarydyr maksatnamalaryny hem-de döredijilikli başlangyçlaryny amala aşyrmaklaryna goldaw bermek we höweslendirmek, ylym we bilim babatda halkara ýaşlar hyzmatdaşlygyny ösdürmek barada beren möhüm tabşyryklaryndan, «Bitarap Türkmenistanyň daşary syýasat ugrunyň 2022-2028-nji ýyllar üçin konsepsiýasyny» durmuşa geçirmek, «Berkarar döwletiň täze eýýamynyň Galkynyşy: Türkmenistany 2022–2052-nji ýyllarda durmuş-ykdysady taýdan ösdürmegiň Milli Maksatnamasynda», «Türkmenistanyň Prezidentiniň ýurdumyzy 2022–2028-nji ýyllarda durmuş-ykdysady taýdan ösdürmegiň Maksatnamasynda», şeýle hem «Türkmenistanda ýaşlar baradaky döwlet syýasatynyň 2021–2025-nji ýyllar üçin Döwlet maksatnamasynda» kesgitlenen wezipelerden ugur alyp, Türkmenistanyň diplomatiýasynyň möhüm ugurlary boýunça okuw merkeziniň gurnamagynda ýurdumyzyň ýokary okuw mekdepleriniň talyplarynyň arasynda Türkmenistanyň diplomatiýasynyň energetika, ulag we suw ugurlary boýunça geçirilen internet olimpiadasynyň netijeleri belli boldy. Ýeňiji bolan talyp ýaşlary 2023-nji ýylyň 27-nji maýynda sagat:14:00-da Türkmenistanyň Daşary işler ministrliginiň Halkara gatnaşyklary institutynyň Baş binasynda geçiriljek sylaglamak dabarasyna gatnaşmaga çagyrýarys hem-de baýrakly orunlary eýelän talyp ýaşlary gutlaýarys! Ýurdumyzda okuw-usuly we ylmy-nazary işleriň döwrüň ösen talabyna laýyklykda alnyp barmak üçin döredilýän ähli mümkinçilikler üçin türkmen halkynyň Milli Lideri, Gahryman Arkadagymyza, Hormatly Prezidentimize çäksiz sagbolsunlarymyzy aýdýarys hem-de olaryň janlarynyň sag, ömürleriniň uzak, il-ýurt bähbitli alyp barýan işleriniň hemişe rowaç bolmagyny tüýs ýürekden arzuw edýäris!
Gülşat ÝUSUPOWA,
Türkmenistanyň Daşary işler ministrliginiň
Halkara gatnaşyklary institutynyň okuw işleri boýunça prorektory