TALYP ÝOLDAŞLARYMYZYŇ ÜSTÜNLIKLERI
Berkarar döwletimiziň täze eýýamynyň Galkynyşy döwründe biziň ýurdumyzda ýaşlaryň öz hünär bilimlerini berkitmekde we kämilleşdirmekde uly mümkinçilikler döredilýär. Şeýle mümkinçilikleriň biri-de talyp ýaşlaryň arasynda geçirilýän halkara olimpiadalarydyr. Şolaryň biri hem, 2023-nji ýylyň 9-njy dekabrynda S.A.Nyýazow adyndaky Türkmen oba hojalyk uniwersiteti tarapyndan II Açyk Halkara internet ekologiýa olimpiadasy boýunça geçirilen bäsleşikdir. Bu bäsleşikde institutymyzyň Halkara ykdysady gatnaşyklary fakultetiniň 2-nji ýyl talyby Ogulnäzik Rahmanowa II orna, şol fakultetiň 4-nji ýyl talyby Bilbil Berdiýewa, Halkara žurnalistikasy fakultetiniň 2-nji ýyl talyby Selbinyýaz Goçmyradowa, Halkara hukugy fakultetiniň 2-nji ýyl talyby Kadyrmyrat Öwezgylyjow III orna mynasyp boldular. Mundan başga-da, bäsleşige Halkara gatnaşyklary fakultetiniň 3-nji ýyl talyplary Kerim Baýmyradow, Döwletýar Arçamyradow, şol fakultetiň 2-nji ýyl talyplary Hudaýberdi Rozykow, Hojamyrat Baýlyýew, Şatlyk Hemraýew gatnaşdylar.
Bäsleşigiň ýeňijilerine degişli diplomlar gowşuryldy. Biz talyplar üçin öz ukyp-başarnyklarymyzy ösdürmekde döredilýän mümkinçilikler üçin Gahryman Arkadagymyza, Arkadagly Gahryman Serdarymyza talyp kalbymyzyň hoşallygy çäksizdir.
Enegül ANNAMYRADOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň IV ýyl talyby.