Halypa diplomatymyz bilen geçirilen okuw sapagy
2023-nji ýylyň 2-nji martynda Türkmenistanyň Daşary işler ministrliginiň Halkara gatnaşyklary institutynda ýörite okuw sapagy geçirildi. Milli diplomatiýanyň ýokary okuw mekdebiniň Halkara gatnaşyklary we diplomatiýa kafedrasynyň mugallymy, tehniki ylymlarynyň kandidaty, dosent, Türkmenistanyň ussat diplomaty, Adatdan daşary we Doly ygtyýarly Ilçi Ç.Nyýazowyň alyp baran okuw sapagyna institutymyzyň talyp ýaşlary gatnaşdylar.
Sapakda Ç.Nyýazow talyp ýaşlara diplomatiýanyň we halkara gatnaşyklarynyň aýratynlyklary, diplomatlara bildirilýän talaplar, şeýle hem Watanymyzy ösdürmekde olaryň eýeleýän wajyp orny barada giňişleýin gürrüň berdi we özüniň gazanan baý durmuş tejribelerini paýlaşdy. Sapagyň ahyrynda talyp ýaşlar halypa diplomata özlerini gyzyklandyrýan sowallar bilen ýüzlenip, oňa kanagatlanarly jogap aldylar.
Hudaýberdi ROZYKOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.