22-nji aprel – Bütindünýä Ýer güni
Ýer togalagy biziň ählimiziň dogulýan, ýaşaýan, işleýän, dynç alýan, döretýän, umuman durmuşa mahsus ähli işjeňliklerimiziň bolup geçýän ýeridir, başgaça aýdanymyzda, biziň ählimiziň Watanymyzdyr. Emma ol biziň pikir edişimiz ýaly güýçli däldir. Dünýä döwletleriniň senagatlaşmagy, tokaýlaryň çapylmagy hem zyýanly maddalaryň howa goýberilmegi netijesinde biziň planetamyz dürli kynçylyklar bilen ýüzleşmäge mejbur bolýar. Bu kynçylyklar hakynda adamlara habar bermek, olara garşy göreşe çagyrmak üçin her ýylyň 22-nji aprelinde Bütindünýä Ýer güni bellenilip geçilýär. Bu sene 2009-njy ýylda Birleşen Milletler guramasynyň Baş Assambleýasy tarapyndan “22-nji aprel – Bütindünýä Ýer güni” diýip, yglan edilmegi mynasybetli resmileşdirilýär.
Ýeriň ýaşaýjylaryna Bütindünýä Ýer güni barada gysgaça maglumatlar:
Planetamyza abanýan howp geçen asyryň ikinji ýarymyndan başlap dünýä jemgyýetçiligini aýaga galmaga mejbur edýär. 1970-nji ýylda ABŞ-da geçirilen ilkinji Ýer güni bütin dünýäde uly seslenme tapýar. Bu üstünlikden ruhlanan ABŞ-nyň senatorlary 1971-nji ýyldan başlap, her ýyl bu baýramçylygy bellemekligi ýola goýýarlar. 1990-njy ýylda SSSR-iň Pýatigorsk şäherinde hem bu baýramçylyk giňden bellenilip geçilýär. Ýer gününiň 20-ýyllyk şanly senesi mynasybetli rus, amerikan we hytaý alpinistleriniň bilelikdäki Ewerest dagynyň çür depesine çykyşy guralýar.
Arzygül TEKEMYRADOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň
III ýyl talyby.
Şeýle hem bu barada şu ýerden okap bilersiňiz!